Бугун, 15 сентябрь куни Халқаро пресс клубнинг Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили институтининг ташкил этилишига бағишланган навбатдаги сессияси бўлиб ўтди.
«Ўзбекистон 24» телеканалининг маълум қилишича, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил томонидан Хоразм, Бухоро ва Навоий вилоятларида жами 3150 нафар тадбиркор билан учрашувлар ўтказилди. Шунингдек, ушбу вилоятлар ҳокимликлари, назорат ва ҳуқуқни муҳофаза қилувчи идоралар томонидан тадбиркорлик фаолияти эркинлигининг кафолатлари тўғрисидаги қонун ҳужжатларига риоя этилиши ўрганилди.
Давлат органлари, нодавлат нотижорат ташкилотлари ва фуқаролик жамиятининг институтлари билан тадбиркорлик фаолиятини ривожлантириш, тадбиркорларнинг ҳуқуқларини ҳимоя қилишда ҳамкорлик ўрнатиш юзасидан 21 та Меморандум лойиҳалари ишлаб чиқилиб, келишиш учун тегишли ташкилотларга юборилди.
Назорат органлари томонидан тадбиркорлар фаолиятида ўтказиладиган текширишларда уларнинг ҳуқуқларини ҳимоя қилиш мақсадида 2000 дан ортиқ буклет ишлаб чиқилиб, тадбиркорларга тарқатилмоқда.
Изоҳ (0)