Бугун, 13 сентябрь куни Туризмни ривожлантириш Давлат қўмитаси раиси Азиз Абдуҳакимов Хитой халқ Республикасининг Ченду шаҳрида бўлиб ўтаётган БМТ Бутунжаҳон туризм ташкилоти Бош ассамблеясининг 22-сессияси доирасида Туркия маданият ва туризм вазири Нуман Куртулмуш билан учрашди, деб хабар беради UzDaily.
Томонлар икки мамлакат ўртасидаги туризм соҳаси бўйича ўзаро ҳамкорлик масалаларини муҳокама қилди. Хусусан, Ўзбекистоннинг туристик саноатига турк инвестицияларини жалб қилиш, туризм соҳасидаги таълим, икки давлат ўртасидаги туризмга доир ташкилотлар ходимлари ўртасида узлуксиз ҳамкорликни йўлга қўйиш каби муҳим йўналишларда сўз борди.
Шунингдек, томонлар Ўзбекистондаги туризм соҳаси ходимларидан 30 нафари учун октябрь ойининг охирида Туркиянинг Анталя шаҳрида семинар-тренинг ўтказилиши ҳақида ҳам келишувга эришди.
Изоҳ (0)