Москва шаҳрида бўлиб ўтган «Текстиллегпром – 2017» халқаро ярмаркасида ўзбекистонлик тадбиркорлар ўз маҳсулотлари билан иштирок этди, деб хабар берди ЎзА.
«Текстиллегпром – 2017» халқаро ярмаркаси текстил маҳсулотлари ишлаб чиқариш соҳасида энг сўнгги ютуқлар намойиш этиладиган ўзига хос платформа ҳисобланиб, унда соҳанинг етакчи компания ва фирмалари иштирок этади. Бу йилги ярмаркада Ўзбекистон, Хитой, Ҳиндистон, Бангладеш, Германия, Италия, Польша, Нидерландия, Португалия, Болгария, Туркия, Корея Республикаси, Беларусь, Қирғизистон каби 28 мамлакат вакиллари қатнашган.
Кичик бизнес ва хусусий тадбиркорлик субъектларининг экспортини қўллаб-қувватлаш жамғармаси «Ўзбекенгилсаноат» акциядорлик жамияти билан ҳамкорликда 40 га яқин тадбиркорнинг мазкур ярмаркада иштирок этишига кўмаклашди.
Ярмарка доирасида Ўзбекистон компаниялари нуфузли фирма ва компаниялар билан соҳада ҳамкорлик ўрнатиш ва ривожлантиришга келишиб олди. Ўзбекистонлик тадбиркорлар томонидан хорижий шериклар билан 146 миллион долларга тенг экспорт шартномалари имзоланган.
Изоҳ (0)