Ҳамма қизлар ҳам ўзининг териси талаб қиладиган даражада юзларини парвариш қилавермайди. Кўпинча токчада бор-йўғи биттагина намловчи крем ётади, у ҳам бўлса тунда суриладиган. Бундай парваришлаш сизнинг терингизни бенуқсон қилишга ёрдам бера олмайди ва у ўз таранглигини ва чиройини йўқота бошлайди.
Яхши озиқлантирувчи кремни танлаш бир қарашда осон кўринади, лекин бу жуда қийин иш. Унинг қуйидаги хусусиятларига диққат қилиш керак:
- вазифаси (озиқлантирувчи, намлантирувчи, ҳимояловчи);
- ёш;
- тери тури (ўртача, ёғли, қуруқ);
- сутканинг вақти (кундузги ёки тунги);
- фасл.
Лекин, қайси крем қишга, қайси бири куз фасли учун мўлжалланганини қандай билиш мумкин?
Буни қисқача шундай тушунтириш мумкин: қишда – намлаш, ёзда – ультра-бинафша нурларидан ҳимоялаш, баҳорда – витаминлар билан таъминлаш, кузда эса – озуқа бериш.
Нима учун кузда юз учун айнан озиқлантирувчи крем керак?
Ёздан кузга, иссиқдан совуққа ўтиш – бу организм учун стресс ҳисобланади. Тери қуруқ ва хира бўлиб қолади. Организм заифлашади, бунинг устига гормонал ўзгаришлар юз беради.
Юз учун кузги озиқлантирувчи крем дарров сингиб кетмаслиги керак. У юзда терини ҳимоя қилувчи юпқа қатлам ҳосил қилади. Шу тарзда тери ўзининг юмшоқлиги, таранглиги ва рангини сақлаб қолади.
Юз учун тунги озиқлантирувчи крем бир соатга сурилади, кейин унинг қолдиғи юздан салфетка ёрдамида артиб олинади. Куз ва қиш фаслларида эса озиқлантирувчи кремни эрталаб ҳам суриш мумкин – у ташқарида совуқдан ҳимоя қилади.
Манба: «Woman.ru»
Изоҳ (0)