Ҳақиқий раҳбарлар ҳар куни амал қиладиган қоидалар
Яхши раҳбарлар ходимлар фикрини эътиборга олади, улардан ўрганади ва ўз жамоаси учун фойдали бўлишга ҳаракат қилади. Улар бошқаришда ҳамиша қўллайдиган бир неча қоидалар ҳам бор.
Фото: Depositphotos
Гапиришдан кўра кўпроқ эшитадилар
Агар одам жуда кўп гапирса, бу ўзига ишонмасликнинг белгиси ҳам бўлиши мумкин. Яхши раҳбар ходимларга ўз фикрларини айтишга имкон беради, чунки уни ҳақиқатан ҳам уларнинг фикрлари қизиқтиради. У ўйлашга ва ишнинг моҳиятини чуқурроқ тушунишга мажбур қиладиган қизиқарли саволлар беради. Бу қандай тузилган? Сизга бунинг нимаси ёқади? Сиз бундан қандай хулоса чиқардингиз? Буни янада яхшироқ қилиш учун сизга нима зарур бўлади?
Раҳбар шу тарзда уларнинг ҳар бири компаниянинг мувофиқлаштирилган иши учун муҳим эканлигини намойиш этади. Бундан ташқари у янги фойдали маълумотлар олади.
Ўз хатоларини тан оладилар
Такаббурлик, сурбетлик ва бошқалар фикрини менсимаслик — раҳбар воз кечиши керак бўлган хислатлар ҳисобланади. Ҳар бир одам ўз нуқтаи назарига эга бўлишга ҳақи бор. Раҳбарлар, ҳатто йирик компания раҳбарлари ҳам баъзи нарсаларда хато қилишлари мумкин. Жамоа эса ғоялар, ўйлаб қўйилган режалар билан ўзаро алмашиш ва бир-бирларига ёрдам бериш учун керак.
Ўз хатоларини тан олиш — бу заифлик эмас. Аксинча бундай раҳбарни ходимлар ҳурмат қиладиган бўлишади. Чунки ҳар доим ҳақ бўлишдан кўра вазифани тўғри бажариш анча муҳимроқдир.
Ўз нуқтаи-назарларини қатъий ҳимоя қиладилар
Яхши раҳбар барқарор характерга эга бўлиши керак. Бу хислат компания олдида жиддий синовлар турган вақтларда муҳим қарорлар қабул қилиш учун зарур бўлади. У ўз қарашларидан қайтмаслиги керак. Ҳақиқий раҳбар ўзини ҳам, ходимларини ҳам алдамасликка тиришиб, ҳар доим виждонан иш тутиши керак.
Изоҳ (0)