Кўпчилик кунларнинг бирида муваффақиятли бўлиб уйғонишни орзу қилади, лекин бу ўз-ўзидан бўлмайди. Нимагадир эришиш учун бунга вақт сарфлаш керак бўлади.
Бир сутка ичида ҳаммада бир хил миқдорда вақт бўлгани билан, баъзилар ўз орзуларини амалга оширишга улгуради, бошқалар эса йўқ. Бу кўп ҳолларда бўш вақтни қандай ўтказишга боғлиқ. Одатда биз ишдан чиқиб уйга келганимиздан кейин уни бекорга кетказамиз. Буни ўзгартиришнинг вақти келди.
Сизда кўринганидан кўра бўш вақтингиз кўпроқ
Сизда муваффақиятга эришиш ва орзуингизни амалга ошириш учун керак бўладиган вақт бор. Агар фойдасиз машғулотларга сарф қилинган ҳамма соатлар ва дақиқаларни қўшсак сиз учун муҳим бўлган етарлича вақт йиғилади.Синаб кўринг:
Эрта ухлашга ётиш ва эрта туриш.
Ижтимоий тармоқларга вақт сарфламаслик.
Қувват берадиган озиқ-овқатлар билан овқатланиш.
Телевизор кўрмаслик.
Телефон орқали суҳбатларни олдиндан режалаштириш орқали вақтни тежаш.
Фойдасиз суҳбатлар олиб бормасликка ва ўзингизни чалғитишларига йўл қўймасликка ҳаракат қилинг. Кўпроқ ишларга улгураётганингизни ўзингиз ҳам сеза бошлайсиз.
Бўш вақтингизни ўзингизга қандай қайтаришингиз мумкин?
Вақтингиздан қандай фойдаланаётганингиз фақат ўзингизга боғлиқ. Уни пул топишга ишлатишни тўхтатинг. Ўзингиздан бирон-бир из қолдириш ва одамларга ёрдам бериш билан шуғулланишни бошланг.Ҳар ҳафта ўзингиз бажараётган ва орзуингизга алоқаси йўқ, сизга қувонч ва мамнуният бағишламайдиган ишларнинг ҳам ҳаммасини рўйхат қилинг. Кейин ҳар бир ишга кетадиган вақтни ҳисоблаб чиқинг. Бу сизнинг ҳар бир қадамингиз орзу билан боғланган бўлиши шарт дегани эмас. Табиийки, сиз оилага, уй ишларига ва бошқа вазифаларга чалғийсиз.
Бу машқнинг маъноси фойдасиз машғулотлар: ижтимоий тармоқлар, телевизор, маъносиз суҳбатларни аниқлаш ва қисқартиришдан иборат. Шундагина сиз ҳақиқатан ҳам ўзингиз учун муҳим бўлган вақтни топа оласиз.
Манба: «Лайфхакер»
Изоҳ (0)