Роберто Мартинес мураббийлик қилаётган Бельгия терма жамоаси 2018 йил Россияда бўлиб ўтадиган Жаҳон Чемпионатига йўлланмани қўлга киритди.
Бу йўлда бельгиялик футболчилар Грецияга сафар этиб, 2:1 ҳисобида муваффақият қозонди. Томонларнинг Бельгияда ўтган ўйинида 1:1 ҳисоби қайд этилган бўлиб, Мартинес шогирдлари шундан бошқа барча учрашувда зафар қучган, 6 та беллашувда йирик ғалабаларга эришганди.
Олдиндаги 2 та тур амалда ҳеч нарсани ўзгартирмайди. Босния ва Греция терма жамоалари эса плей-оффга йўллагма берувчи 2-ўрин учун курашни давом эттиради. Бельгияга қадар Европанинг ҳеч бир мамлакатига Россия—2018 чиптаси насиб қилмаганди.
Бунгача мезбон Россиядан ташқари Бразилия, Эрон, Япония ва Мексика термалари Жаҳон Чемпионатида иштирок этиш ҳуқуқини қўлга киритганди.
Эстония — Кипр 1:0
Гол: Маттиас Кяйт, 90+2 (1:0).Греция — Бельгия 1:2
Голлар: Ян Вертонген, 70 (0:1). Зека, 73 (1:1). Ромелу Лукаку, 74 (1:2).Гибралтар — Босния 0:4
Голлар: Эдин Жеко, 35 (0:1). Кенан Кодро, 65 (0:2). Сенад Лулич, 83 (0:3). Эдин Жеко, 85 (0:4).
Кеча, шунингдек, хорватлар жой олган гуруҳда ҳам 1 та учрашув бўлиб ўтди. Загребдаги кучли ёмғир сабаб Косовога қарши ўйин 1 кун кейинроққа сурилганди. Унда мезбонлар қийин ғалабани қўлга киритди ва Украинадан ўзиб, гуруҳ пешқадамлигини қайтариб олди.
ЖЧ—2018. Саралаш «I» гуруҳи. 8-тур 3 сентябрь, якшанба
Хорватия — Косово 1:0
Гол: Домагой Вида, 74 (1:0).
Изоҳ (0)