Dahir Insaat фирмаси муҳандиси Дахир Семенов келажак автомобиллари гироскоплар билан жиҳозланган гирокарлар бўлади, деб ҳисобламоқда. «Hi-tech Mail.ru» гирокарлар акс этган видеога эътибор қаратди.
Дахир Семенов ХХ аср бошида Петр Шиловский томонидан яратилган икки ғилдиракли гиро-байкларни ривожлантиришга ҳаракат қилмоқда.
Dahir Insaat йиғмоқчи бўлаётган гирокарлар улкан автобуслар ҳисобланади. Улар тор устунда мувозанат сақлаб, йўл ҳаракатининг бошқа одатий иштирокчилари орасида ҳаракатланади. Кучли гироскоплар билан жиҳозланган транспорт воситалари автомобиллар ва йўловчилар устида бир неча метр баландликда мувозанат сақлаб, тор рельслар бўйлаб ҳаракатланади.
Бир рельсли гирокарларнинг устунлари баландликка мослашиб, бир йўналишда ҳаракатланаётган бошқа гирокарларнинг устидан ёки остидан ўтишга имкон беради.
«Келажак автобуслари»нинг кенг ва текис томида жойлашган қуёш батареяси панеллари генераторлар ва захира батареяларига уланган. Бу тўхтовсиз энергия таъминоти ва гироскопларнинг ҳеч қачон айланишдан тўхтамаслигини таъминлайди. Агар гироскоп ишлашдан тўхтаса, гирокар мувозанат сақлай олмайди ва йиқилади.
Изоҳ (0)