Dahir Insaat firmasi muhandisi Daxir Semenov kelajak avtomobillari giroskoplar bilan jihozlangan girokarlar bo‘ladi, deb hisoblamoqda. “Hi-tech Mail.ru” girokarlar aks etgan videoga e’tibor qaratdi.
Daxir Semenov XX asr boshida Petr Shilovskiy tomonidan yaratilgan ikki g‘ildirakli giro-bayklarni rivojlantirishga harakat qilmoqda.
Dahir Insaat yig‘moqchi bo‘layotgan girokarlar ulkan avtobuslar hisoblanadi. Ular tor ustunda muvozanat saqlab, yo‘l harakatining boshqa odatiy ishtirokchilari orasida harakatlanadi. Kuchli giroskoplar bilan jihozlangan transport vositalari avtomobillar va yo‘lovchilar ustida bir necha metr balandlikda muvozanat saqlab, tor relslar bo‘ylab harakatlanadi.
Bir relsli girokarlarning ustunlari balandlikka moslashib, bir yo‘nalishda harakatlanayotgan boshqa girokarlarning ustidan yoki ostidan o‘tishga imkon beradi.
“Kelajak avtobuslari”ning keng va tekis tomida joylashgan quyosh batareyasi panellari generatorlar va zaxira batareyalariga ulangan. Bu to‘xtovsiz energiya ta’minoti va giroskoplarning hech qachon aylanishdan to‘xtamasligini ta’minlaydi. Agar giroskop ishlashdan to‘xtasa, girokar muvozanat saqlay olmaydi va yiqiladi.
Izoh (0)