Тошкент шаҳар Ички ишлар бош бошқармаси Тошкент шаҳри ҳудудида сўнгги вақтларда ёши катта ва кекса фуқароларга нисбатан содир этилаётган ўғрилик ва фирибгарлик жиноятлари кўпайганлиги юзасидан хавотир билдирди, деб ёзади «Газета.uz» ИИББ расмий сайтига таяниб.
Бундай жиноятлар ёши катта ва кекса фуқароларни алдаш ва ишончини суиистеъмол қилиш орқали, турли баҳона ва моддий манфаатларни ваъда қилиб (сув ичиб олиш, йирик купюрадаги пулларни майдасига алмаштириб олиш, ҳожатини чиқариб олиш ёки телефон орқали қўнғироқ қилиб олиш), уларнинг хонадонига кириб, моддий қимматликларни яширин равишда олиб чиқиб кетаётганлиги аниқланган, дейилади хабарда.
Таъкидланишича, юқоридагиларни инобатга олган ҳолда ёши катта ва кекса фуқароларга бегона шахсларни хонадонга умуман қўймаслик, турли найранг, алдов ва таклиф этилаётган моддий манфаатларга ишонмасликни кенг оммага тушунтириш ишлари олиб бориш мақсадга мувофиқ.
Шу турдаги жиноятларни содир этишда, воқеа жойи яқинида жойлашган видеокузатув камерасига тушган қуйидаги шахслар гумонланмоқда.
Юқорида кўрсатилган шахсларни кўрган ёки улар тўғрисида маълумотга эга бўлган фуқаролар қуйидаги телефон рақамларига хабар бериши лозим:
102; 233-49-46; 232-05-62; 230-05-30; 256-72-13.
Изоҳ (0)