Россия ҳарбий-космик кучлари Суриянинг Дайр аз-Зор шаҳри томонга йўл олган ИШИД террорчилик гуруҳи жангарилари колоннасини йўқ қилди, деб ёзади «РИА Новости» Россия мудофаа вазирлигига таяниб.
«Россия ҲКК ИШИД жангариларининг Дайр аз-Зор шаҳри ҳудудига йўл олган навбатдаги йирик колоннасини йўқ қилди, у ерда халқаро террорчилар қайтадан гуруҳларга ажралиб, ўзларининг Суриядаги сўнгги плацдармини жиҳозлашга интилмоқда», — дейилади хабарда.
Россия ҲКК авиацияси йирик калибрли қурол-яроғ ва миномётлар ўрнатилган 20 дан ортиқ автомобилни, шунингдек, бронетехника, шу жумладан, танкларни йўқ қилган. «Бундан ташқари, 200 дан ортиқ жангари ва ўқ-дори ортилган оғир юкли машиналар йўқ қилинди», — дейилади хабарда.
Ҳарбий муассаса хабар беришича, Раққа вилоятининг жанубидан ва Хомс вилоятининг ғарбидан Сурия қўшинлари ва Россия ҲКК томонидан сиқувга олинган ИШИД террорчилари август давомида ўз кучларини Дайр аз-Зор вилоятига қайта тўплашга ҳаракат қилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)