Хонанда Муниса Ризаева ҳозирги кунда аёл хонандалар ва актрисалар ўз номини оқлаш учунгина турмушга чиқаётгани ва ажримлар кўпайиб кетаётгани ҳақида гапирди, деб ёзади «Darakchi.uz».
Ота-онам ажрашган. Улар ажрашганида ўзимдан нима ўтганини ўзим биламан. Бу жуда ҳам қийин масала.Бугунги кунда актрисаларимиз, аёл хонандаларимиз «галочка» учун турмушга чиқяпти. Бировларнинг оилаларини бузяпти. Иккинчи, учинчи, тўртинчи хотин бўлишяпти. Қизларимиз ўзини умуман ҳурмат қилмайди.
Бу гапларимдан кимнидир хафа қилиб қўяётган бўлсам, узр. Лекин бу менинг нуқтаи назарим.
Мендан мухлисларим кўп сўрашади. ‘Қачон турмушга чиқасиз?’, деб. Турмушга чиқиш ўйинчоқ нарса эмас.
Мен 31 ёшга кирдим. Ҳар доим Аллоҳдан сўрайман: менинг пешонамга фақат бир инсон ёзилган бўлсин. У билан турмуш қуриб, бир умр бахтли ҳаёт кечирай. Кўп фарзандларнинг онаси бўлишни орзу қиламан. Камида 5 нафар фарзанднинг онаси бўлишни истайман.
Муниса Ризаева, хонанда
Изоҳ (0)