АҚШнинг Linkin Park рок гуруҳи ижро этган бирйўла 23 қўшиқ Billboard журналининг Hot Rock Songs ҳафталик чартига киритилди. Бу ҳақда «РИА Новости» хабар бермоқда.
Гуруҳнинг энг машҳур композицияси — Numb бу ҳафта олтинчи ўриндан иккинчи ўринга кўтарилди. In the End ва Heavy қўшиқлари тегишли равишда учинчи ва тўртинчи ўринни эгаллади. Топ-10 га Linkin Park’нинг жами етти қўшиғи кирди.
Гуруҳ ижодига қизиқишнинг кескин кўтарилиши унинг фронтмени Честер Беннингтоннинг ўлими билан боғланмоқда.
Гуруҳ альбомлари, шунингдек, Top Rock Albums ва Hard Rock Albums рейтинглари бошига келди.
Илгариги рекорд Дэвид Боуига тегишли эди — 2016 йили хонанда вафот этганидан сўнг унинг 21 қўшиғи чартдан ўрин олган эди.
Изоҳ (0)