Канадалик қўшиқчи Жастин Бибер дунё бўйлаб турнесини тўхтатди ва толиққанлиги сабаб 14 та концерт дастурини ўтказишдан бош тортди. Бу ҳақда TMZ онлайн порталига таяниб, «ТАСС» хабар берди.
Портал саҳифасида қўшиқчи Санта-Моника шаҳри (Калифорния штати) бўйлаб сайр қилиб юргани тасвирланган видео пайдо бўлган. Бибер турнеда 2 йил вақтини ўтказганини ва эндиликда дам олишни хоҳлаётганини билдирган. Шунингдек, у мухлислардан кечирим сўраган ва ўзларини «ҳафсаласи пир бўлган ва сотилган»дек хис қилмасликларини сўраб қолган.
Аввалроқ, Бибернинг концертлари АҚШ ва Осиё мамлакатларида 10 октябрга қадар режалаштирилгани ва улар «кутилмаган сабабларга кўра» бекор қилингани ҳақида хабар берилганди.
Жастин Бибернинг навбатдаги Purpose номли турнеси 2016 йилнинг март ойида бошланган. Қўшиқчи Европа, Африка, Жанубий Америка ва Осиёда 150 дан ортиқ шоулар тақдим этди.
Изоҳ (0)