Чемпионлар халқаро кубогининг АҚШ турнесида иштирок этаётган «Манчестер Юнайтед» ва «Барселона» клублари бугун тонгда ўзаро тўқнаш келди.
Ўйин тақдирини Неймарнинг ягона голи ҳал қилди. Антонио Валенсиянинг хатосидан унумли фойдаланган бразилиялик ҳужумчи жамоасига ғалаба келтирди. Неймар «Барселона»нинг «Ювентус» устидан зафар қучиши учун 2 та гол уриб берганди.
«Манчестер Юнайтед» бунга қадар Мадриднинг «Реал» клубини пенальтилар сериясида таслим қилган бўлса, ҳамшаҳри «Сити»ни 2:0 ҳисобида мағлуб этишга муваффақ бўлганди. «Барселона»нинг Турин клуби устидан ғалабасини эса келтирилган ҳаволада кўриш мумкин.
Изоҳ (0)