Тошкент вилояти бўйлаб сафар қилган Шавкат Мирзиёев, қурол олиб юришга рухсат бериш ҳақидаги қонун лойиҳаси, нархи ошган шакар ва куннинг бошқа муҳим хабарлари

21 июлнинг эътиборга молик янгиликлари — «Дарё»нинг кечки дайжестида.

1. Шавкат Мирзиёев Тошкент вилояти бўйлаб сафар қилди. Президент Ангренда бўлди, Чимён ва Хўжакентда қуриладиган янги меҳмонхоналар, тоғ-чанғи дам олиш маскани, Паркентдаги ёзувчи ва шоирлар учун уйлар, «Тошкент—Тўйтепа» йўлидаги кўп қаватли уйлар лойиҳалари билан танишди, Ўрта Чирчиқдаги отларни бориб кўрди.

2. Ўзбекистонда қуролнинг алоҳида турларини олиб юришга рухсат берилиши мумкин. Бу ҳақдаги қонун лойиҳаси Ички ишлар вазирлиги томонидан ишлаб чиқилган.

3. Ўзбекистонда шакарнинг давлат нархи ошди. Шакар мамлакатда нархи давлат томонидан бошқариладиган саккиз маҳсулотдан бири ҳисобланади.

4. Linkin Park гуруҳи солисти Честер Беннингтон ўз жонига қасд қилди. Честер Беннингтоннинг ўлими куни чиққан клип 5,6 миллион марта томоша қилинди.

5. Тошкентда 6 ой ичида 400 дан ортиқ фоҳишалик билан боғлиқ жиноят аниқланди. Фоҳишахона сақлаш ҳолати аниқланган ҳар бир хонадон ички ишлар идоралари томонидан хатланади.