Тошкент шаҳрида 13 июль куни учта йўл-транспорт ҳодисаси қайд этилди. Тошкент шаҳар ИИББ маълумотларига кўра, мазкур ЙТҲлар оқибатида уч киши тан жароҳати олган, вафот этганлар йўқ.
13 июль куни йўл-патруль хизмати инспекторлари томонидан жами 2 986 та ҳуқуқбузарликлар бўйича маъмурий баённомалар расмийлаштирилган.
Шулардан 943 тасини қўпол турдаги ҳуқуқбузарликлар, 33 тасини эса маст ҳолда транспорт воситасини бошқариш ҳолатлари ташкил этади.
Тошкент шаҳар ИИББ Йўл ҳаракати хавфсизлиги бошқармасининг Компьютерлаштирилган бошқарув тизими томонидан 13 июль куни жами 776 та ҳуқуқбузарликлар қайд этилган бўлиб, шулардан 482 тасини светофорнинг тақиқловчи чироғига бўйсунмасдан ҳаракатланиш, 294 тасини белгиланган меъёрдан юқори тезликда ҳаракатланиш ташкил этади.
Изоҳ (0)