Ёзда мириқиб томоша қилиш учун 5 та янги сериал

Ёзнинг уч ойи давомида кўпчилик сериаллар «таътилга чиқади», аммо баъзи янги шоулар намойиш қилинади. Мақолада ёз мавсумидаги қизиқарли янги сериаллар ҳақида маълумот берамиз.

«Ривера» (Riviera)

• Премьера: 2 июнь
• Жанр: триллер

Ривера — Ложувард Соҳил (Франция)даги жаннатмакон жой. Бу ерда яқинда миллионер Константинга турмушга чиққан Жоржина яшайди. Тўйларидан бир йил ўтар-ўтмас, унинг турмуш ўртоғи сирли равишда ҳалок бўлади. Энди Жоржина улкан бойликни бир ўзи мустақил бошқариши ва қабул қилинаётган қарорлар учун ўзи масъул бўлиши керак.

«Туман» (The Mist)

• Премьера: 22 июнь
• Жанр: қўрқинчли фильм, драма

Стивен Кинг асарининг навбатдаги экранизацияси. Китобдан фарқли равишда, сериал кенгроқ воқеаларни қамраб олади, шунингдек, унда бир-иккита янги персонажлар пайдо бўлади.

Мэн штатидаги кичик шаҳарчани қўрқинчли туман қоплаб олади. У ҳеч қачон тарқаб кетмайдиганга ўхшайди. Шаҳар аҳолиси тушуниб бўлмайдиган хавф остида қолади: туманнинг моҳиятини англаб бўлмайди, яна унда маҳлуқлар яшайди.

«Қора ҳарф» (The Bold Type)

• Премьера: 11 июль
• Жанр: драма

Сюжет учун асос сифатида Cosmopolitan журнали бош муҳаррири Жоанна Коулзнинг ҳаёти олинган.

Диққат марказида — Нью-Йоркнинг Scarlet журнали таҳририятида ишлайдиган уч қиз. Улар карьерадан кўра муҳимроқ нарсалар борлигини тушуниб етишига тўғри келади.

«Уилл» (Will)

• Премьера: 12 июль
• Жанр: драма

Ёш Уильям Шекспирнинг йўқотилган ва беҳуда сарфланган йилларига кутилмаган тарзда нигоҳ ташланган. У Лондонга етиб келгач, Англия театр олами — ўзи тасаввур қилганидек, ҳашамат, нафосат ва яхши хулқ-атвордан иборат эмаслигини тушунади.

«Ҳимоячилар» (The Defenders)

• Премьера: 18 август
• Жанр: фантастика, жангари, саргузашт

Жиноятларга қарши ёлғиз курашишдан суперқаҳрамонлар зерикди. Улар жамоага бирлашди ва энди дунёни маккор жиноятчилардан қутқармасдан иложлари йўқ. Сериалда Жессика Жонс, Люк Кейж, Темир мушт ва бошқа қаҳрамонларни кўриш мумкин.

Манба: «Лайфхакер»