Yozda miriqib tomosha qilish uchun 5 ta yangi serial
Yozning uch oyi davomida ko‘pchilik seriallar “ta’tilga chiqadi”, ammo ba’zi yangi shoular namoyish qilinadi. Maqolada yoz mavsumidagi qiziqarli yangi seriallar haqida ma’lumot beramiz.
“Himoyachilar”. Foto: “Layfxaker”
“Rivyera” (Riviera)
Premyera: 2-iyun
Janr: triller
Rivyera — Lojuvard Sohil (Fransiya)dagi jannatmakon joy. Bu yerda yaqinda millioner Konstantinga turmushga chiqqan Jorjina yashaydi. To‘ylaridan bir yil o‘tar-o‘tmas, uning turmush o‘rtog‘i sirli ravishda halok bo‘ladi. Endi Jorjina ulkan boylikni bir o‘zi mustaqil boshqarishi va qabul qilinayotgan qarorlar uchun o‘zi mas’ul bo‘lishi kerak.
“Tuman” (The Mist)
Premyera: 22-iyun
Janr: qo‘rqinchli film, drama
Stiven King asarining navbatdagi ekranizatsiyasi. Kitobdan farqli ravishda, serial kengroq voqealarni qamrab oladi, shuningdek, unda bir-ikkita yangi personajlar paydo bo‘ladi.
Men shtatidagi kichik shaharchani qo‘rqinchli tuman qoplab oladi. U hech qachon tarqab ketmaydiganga o‘xshaydi. Shahar aholisi tushunib bo‘lmaydigan xavf ostida qoladi: tumanning mohiyatini anglab bo‘lmaydi, yana unda mahluqlar yashaydi.
“Qora harf” (The Bold Type)
Premyera: 11-iyul
Janr: drama
Syujet uchun asos sifatida Cosmopolitan jurnali bosh muharriri Joanna Koulzning hayoti olingan.
Diqqat markazida — Nyu-Yorkning Scarlet jurnali tahririyatida ishlaydigan uch qiz. Ular karyeradan ko‘ra muhimroq narsalar borligini tushunib yetishiga to‘g‘ri keladi.
“Uill” (Will)
Premyera: 12-iyul
Janr: drama
Yosh Uilyam Shekspirning yo‘qotilgan va behuda sarflangan yillariga kutilmagan tarzda nigoh tashlangan. U Londonga yetib kelgach, Angliya teatr olami — o‘zi tasavvur qilganidek, hashamat, nafosat va yaxshi xulq-atvordan iborat emasligini tushunadi.
“Himoyachilar” (The Defenders)
Premyera: 18-avgust
Janr: fantastika, jangari, sarguzasht
Jinoyatlarga qarshi yolg‘iz kurashishdan superqahramonlar zerikdi. Ular jamoaga birlashdi va endi dunyoni makkor jinoyatchilardan qutqarmasdan ilojlari yo‘q. Serialda Jessika Jons, Lyuk Keyj, Temir musht va boshqa qahramonlarni ko‘rish mumkin.
Izoh (0)