Нью-Йорк метросида июлда электрон кутубхона ўз фаолиятини бошлайди. Йўловчилар китоблар, жумладан, бестселлерлар, янгиликлар ва Нью-Йорк ҳақидаги ҳикояларни бепул ўқиши мумкин, дея хабар беради Forbes.
Мегаполис метросининг 6 бекатида Wi-Fi 2011 йилда ишга тушди. Қолган бекатларни 2018 йилда тармоққа улаш режалаштирилганди, бироқ Нью-Йорк штати губернатори Эндрю Куомо бу ишга аралашгач, жараён тезлашди ва интернет метрода 2016 йил охирида тўлиқ пайдо бўлди.Нью-Йорк метроси билан 27 йиллик шериклик шарномасини имзолаган Transit Wireless компанияси тармоқ билан бир вақтда The Subway Library электрон кутубхонасини ҳам ишга туширди. Компания мазкур лойиҳага 350 миллион доллар сарфлади.