K-1 устаси Анвар Бойназаров Хитой мезбонлик қилаётган EM-Legend турнирида ярим финалга қадар етиб келгани айтилган ва унинг финал йўлидаги жанги 9 июль санасида ўтиши режалаштирилганди.
«Оламспорт» нашри Бойназаровнинг бўлажак рақиби бразилиялик Марлон Рибейро Дос Сантос эканига ойдинлик киритди.
Бойназаров Хитойдаги турнирнинг ўтган йилгисида финалга қадар етиб борган бўлиб, визаси билан боғлиқ муаммо сабаб ҳал қилувчи жангда иштирок эта олмаганди. Шу сабаб ғолиб деб топилган спортчи бу сафар чорак финалда айнан Бойназаровга имкониятни бой берди.
K-1 тик туриб жанг қилувчи спортчиларнинг энг яхшиларини ўзида жамлаган жанг тури ҳисобланади. Бунда бокс, кикбокс, муайтай, карате каби спорт турларида ўзини кўрсата олган жангчилар K-1 йўналишида иштирок этиши мумкин.