Тошкентда 2017 йилнинг 2 июль санасида юз берган ЙТҲлар оқибатида 2 киши вафот этди

2017 йилнинг 2 июль куни Тошкент шаҳри ҳудудида 8 та йўл-транспорт ҳодисаси қайд этилди, деб хабар бермоқда Тошкент шаҳар ИИББ матбуот хизмати. Мазкур йўл-транспорт ҳодисасида 9 нафар шахс тан жароҳати олган, 2 нафар шахс вафот этган.2017 йилнинг 2 июль куни ЙПХ инспекторлари томонидан жами 2701 та ҳуқуқбузарликлар бўйича маъмурий баённомалар расмийлаштирилган бўлиб, шулардан 858 тасини қўпол турдаги, 35 тасини маст ҳолда транспорт воситасини бошқариш ташкил этган.

Тошкент шаҳар ИИББ ЙҲХБ компьютерлаштирилган бошқарув тизими томонидан 2017 йил 2 июль куни жами 882 та қоидабузарликлар қайд этилган бўлиб, шулардан 449 тасини светофорнинг тақиқловчи чироғига бўйсинмасдан ҳаракатланиш, 433 тасини белгиланган меъёрдан юқори тезликда ҳаракатланиш ташкил этади.