Смартфонларнинг махфий хусусиятлари (фото)

AdMe Android операцион тизимида ишлайдиган смартфонлардан фойдаланишда қулайлик яратадиган дастурлар ҳақида маълумот тўплаб тақдим этди.

Дастурларни клонлаш

Android’ларнинг янги версиясида «Дастур-клон» мавжуд бўлиб, у керакли дастурларни бир уринишда нусха кўчиришга ёрдам беради. Клон битта ижтимоий тармоқдан турли аккаунтлар орқали фойдаланувчиларга асқотади.

YouTube’дан видео ва аудио кўчириб олиш

Google’нинг стандарт кўринишида ўзининг расмий магазинидаги YouTube видеоларини кўчириб олиш функциясига эга дастур яширин бўлади. Бироқ бошқа дастурчалар ҳам бор. Улар орқали роликка ҳавола кўрсатиб видеони кўчириб олиш мумкин.

Смартфонни тарозига айлантириш

Дўкондаги унчалик катта бўлмаган нарсаларни смартфондаги махсус дастур орқали тортиб кўриш имконияти мавжуд.

Хавфсиз режимни ёқиш

Ушбу режим телефоннинг ишларига халақит берувчи ортиқча дастурларни ўчириб ташлаш ва тизим носозликларини тузатишда керак бўлади. Телефон ёки планшет ёқилганида қувват тугмасини босиб туринг. Шунда «Ёқиш» ёки «Қувватни ўчириш» ойнаси пайдо бўлади. Хавфсиз тизимга ўтиш сўрови пайдо бўлганида эса ОК ни босинг.

Офлайн-харитадан фойдаланиш

Телефонга харитани кўчириб олиб, интернетни ўчириб қўйиш лозим, бироқ GPS ёниқ тураверсин. Офлайн-харитада сизнинг турган жойингиз сунъий йўлдош орқали трафик сарфисиз аниқланади.

Карта ўрнида смартфон орқали тўловни амалга ошириш

NFC модулининг шарофати билан кўплаб телефон моделлари орқали банк картларини тегишли тизимдаги аккаунтга улаб қўйиш мумкин (Android Pay ёки Apple Pay).

Доим қўлингизда юрадиган сканер

Смартфондаги камера орқали барча матн, ҳужжат ёки суратларни сканер қилиб олиш мумкин. Бунинг учун махсус дастур мавжуд бўлиб, улар нафақат сканер қилади, балки уни хотирасида сақлаб қолиб керакли манзилга юборади ҳам.

Чексиз қидирув

Google Гогглес дастури орқали исталган нарсани қидириб топпиш имконияти мавжуд. Унинг аҳамиятли жиҳати, қидирувда смартфон камерасидан фойдаланилади.

Смартфонни смартфонга улаш

One-Touch-Go (OTG) функцияси ёрдамида исталган замонавий смартфонни бошқа бирига улаш мумкин. Бунинг учун смартфонларнинг бирига USB-фемеле кабели, бошқасига микро-USB кабели уланиши керак.