Навоий вилояти Кармана туманида Жанубий Кореянинг Инҳа университети госпитали шифокорлари аҳолини тиббий кўрикдан ўтказди. Бу ҳақда ЎзА хабар берди.
– Хорижлик тиббиёт ходимлари билан ҳамкорликдаги ишларимиз янада самарали бўлмоқда, – дейди «Соғлом авлод учун» халқаро хайрия фонди вилоят филиали директори М.Йўлдошева. – Тиббий кўрик билан бирга, самарали тарғибот ишлари олиб борилаётгани аҳолининг тиббий маданияти юксалишига, турли хасталикларнинг камайишига хизмат қилаётир.
Тиббий кўрикда 770 дан ортиқ аҳоли саломатлиги текширувдан ўтказилиб, беморларга аниқланган касалликларни келтириб чиқарувчи омилларга қарши курашиш юзасидан зарур тавсиялар берилди.
Изоҳ (0)