Бугун,

  • USD 10940.05
  • RUB 182.26
  • EUR 11121.65

Кўплаб ажойиб тароналари билан мухлислар қалбидан алоҳида жой эгаллаган хонанда Озода Нурсаидова тез кунларда янги ижод намуналарини тақдим этади, деб хабар берди «Darakchi.uz».

Фото: «Sayyod.com»

Фото: «Sayyod.com»

Айни пайтда хонанда янги қўшиқлар ёзиш ва бир нечта клип суратга олдириш ишлари билан банд. Шунингдек, хонанда ўз клипларида янги имиджда намоён бўлади.

Маълумотларга кўра, эронлик таниқли хонанда Гугуш Озода Нурсаидованинг «Қол, қол, азизим» таронасини унинг рухсатисиз куйлагани етмагандай, бунинг устига мазкур қўшиқ мусиқасини Озарбайжон халқ қўшиғи деб кўрсатган.

«Facebook’да менга юборилган манбадаги бу хабардан ҳайрон бўлдим, бунинг устига айримлар аслида бу қўшиқни Озода ўғрилаган, деганига чидаб туролмаяпман. Қўшиқнинг мусиқасини 2003 йил шахсан ўзим ёзганман. Матн эса Бобур Бобомуродга тегишли. Гугуш эса уни Озарбайжон қўшиғи дея айтмоқда. Менимча, қўшиғимни бирорта озарбайжонлик қайта ўз талқинида «Гал гал» деб куйлаган бўлса, Гугуш уни эшитибми қайта куйлаб, Озарбайжонники деб ўйлаяпти чоғи», — дейди Озода Нурсаидова «Sayyod.com» нашри билан суҳбатда.

Изоҳ
Асосий янгиликлар