АҚШнинг Ўзбекистондаги элчихонаси ва АҚШ энергетика вазирлиги қошидаги ядро хавфсизлиги бўйича миллий маъмурият вакиллари Фанлар академияси Ядро физикаси институтига радиоактив моддаларни хавфсиз ташиш учун янги махсус юк транспорт воситасини топширди. Бу ҳақда «Дарё»га элчихона мутасаддилари маълум қилди.
Транспорт воситаси радиоактив чиқиндиларни кўмиш корхонасида хавфли моддаларни йўқ қилишда ишлатилади ва маҳаллий корхона салоҳиятини янада оширади.
Хабарда таъкидланишича, АҚШ энергетика вазирлиги ҳамда элчихона экспорт ва чегара хавфсизлиги бўлими Ўзбекистон Радиация хавфсизлиги маркази билан ҳамкорликда иш олиб боради. Муштарак саъй-ҳаракатлар доирасида хавфли моддалар таҳдидини бартараф қилади.
Изоҳ (0)