Карлуш Кейруш бошқарувидаги Эрон миллий терма жамоаси 2018 йил Россияда бўлиб ўтадиган футбол бўйича Жаҳон чемпионатида иштирок этди.
Саралашнинг 8-турида Ўзбекистон термасини қабул қилган эронликлар Сардор Азмун ва Меҳди Таремийнинг ягона голи эвазига муваффақият қозонди. Ортда қолган саккиз учрашувнинг 6 тасида форсларнинг қўли баланд келди ва 2 тасида ғолибни аниқлаб бўлмади. Кейруш жамоаси саккиз учрашувнинг барчасини қуруқ серия билан ўтказди ва гол ўтказиб юбормади. Ўзбекистонга қарши учрашувда Масъуд Шожаий пенальтидан аниқ фойдалана олмади.
Бунга қадар Бразилия терма жамоаси Жанубий Америка мамлакатлари орасидан биринчи бўлиб мундиал миссиясини ҳал қилганди. Эрон осиёликлар ичида биринчи бўлди.
Эртага — 13 июнь Жанубий Корея ва Қатар термалари ўзаро кураш олиб боради. Мазкур беллашувдаги эҳтимолий ғалаба кореяликларнинг Ўзбекистондан 4 очко илгарилаб кетишига замин яратиши мумкин.
Самвел Бабаян бошчилик қилаётган Ўзбекистон миллий терма жамоаси Тошкентдаги дастлабки ўйинда ҳам форслардан мағлубият қабул қилиб олганди — 0:1. Жамоа, шунингдек, Сеулда Жанубий Кореяга имкониятни бой берган — 1:2. Асосий рақибларидан бирорта ҳам очко ишламаган бўлса-да, ўзбекистонлик футболчилар Жаҳон чемпионатига йўл олиш имкониятини йўқотганича йўқ. Кўринишидан кураш сўнгги турларга қадар давом этади.
ЖЧ—2018. Саралаш «А» гуруҳи. 8-тур 12 июнь, душанба
Эрон — Ўзбекистон 2:0
Гол: Сардор Азмун, 23 (1:0). Меҳди Таремий, 88 (2:0).Ноаниқ пенальти: Масъуд Шожаий, 50 (Э).Эрон: Алиризо Бийронванд — Милад Муҳаммадий, Жалол Ҳусайний, Саид Иззатуллоҳий, Масъуд Шожаий (Ашкан Дежага, 70), Муртазо Пуралиганжий, Али Каримий, Меҳди Таремий, Алиризо Жаҳонбаҳш, Сардор Азмун, Рамин Ризоиён.
Ўзбекистон: Александр Лобанов — Акмал Шораҳмедов, Егор Кримец, Анзур Исмоилов, Станислав Андреев (Даврон Ҳошимов, 5), Азиз Ҳайдаров, Вадим Афонин (Сардор Рашидов, 53), Элдор Шомуродов, Одил Аҳмедов, Игорь Сергеев, Темурхўжа Абдухолиқов (Жалолиддин Машарипов, 65).
Изоҳ (0)