Россия президенти Владимир Путин ҳақидаги бадиий фильмда бош ролни Леонардо Ди Каприо ёки Жереми Реннер ўйнаши мумкин. Шундай фикр билдирган Оливер Стоун ўзи бу фильмни суратга олишга журъат этмаслигини маълум қилди, дея хабар беради New York Post.
Путин ҳақида ҳужжатли фильм ишлаган режиссёр унга камтар инсон сифатида баҳо берди.
«Унинг шинам дала ҳовлиси бор. Лекин улкан майдонлар ёки яхталарга кўзим тушмади. Машинасини ўзи бошқаради ва шахматчи каби фикрлайди. Ўта ақлли ва жисмоний ҳолатини жуда яхши сақлаган», — таъкидлади Стоун.
Эслатиб ўтамиз, «Путин билан интервью» номли 4 қисмли фильм АҚШда 12 июндан бошлаб намойиш этилади. Оливер Стоун ушбу фильми АҚШ ва Россия ўртасидаги муносабатларни яхшилашга уриниш эканлигини билдирди.
Изоҳ (0)