Rossiya prezidenti Vladimir Putin haqidagi badiiy filmda bosh rolni Leonardo Di Kaprio yoki Jeremi Renner o‘ynashi mumkin. Shunday fikr bildirgan Oliver Stoun o‘zi bu filmni suratga olishga jur’at etmasligini ma’lum qildi, deya xabar beradi New York Post.
Putin haqida hujjatli film ishlagan rejissyor unga kamtar inson sifatida baho berdi.
“Uning shinam dala hovlisi bor. Lekin ulkan maydonlar yoki yaxtalarga ko‘zim tushmadi. Mashinasini o‘zi boshqaradi va shaxmatchi kabi fikrlaydi. O‘ta aqlli va jismoniy holatini juda yaxshi saqlagan”, — ta’kidladi Stoun.
Eslatib o‘tamiz, “Putin bilan intervyu” nomli 4 qismli film AQShda 12-iyundan boshlab namoyish etiladi. Oliver Stoun ushbu filmi AQSh va Rossiya o‘rtasidagi munosabatlarni yaxshilashga urinish ekanligini bildirdi.
Izoh (0)