Нью-Йорк апелляция суди шимпанзе худди инсон каби ҳуқуқларга эга бўлиши мумкинлигини рад этди. Бу ҳақда Reuters агентлиги маълум қилди, деб ёзади «ТАСС».
Суд Nonhuman Rights Project ҳуқуқий ҳимоя ташкилоти даъвосини кўриб чиқди. Ҳуқуқ ҳимоячилари Томми ва Кико лақабли икки шимпанзени тутқунликдан озод қилиш ва қўриқхонага топширилишига эришишга уринди.
Ташкилот вакиллари шимпанзе ҳам одамлар сингари эркинлик ҳуқуқига эга эканлиги ва қафасда сақланмаслиги лозимлигини таъкидлади. Улар ҳайвонлар ҳимояси учун британиялик олим Жейн Гудоллнинг шимпанзе инсонларга хос ҳулқ-атворга эга эканлиги ҳақидаги хулосаларини келтирди.
Бироқ суд ушбу далилларни қабул қилмади. Суд қарорида кўрсатилган умумий хислатлар шимпанзе одамлар каби ҳуқуқий мажбуриятлар эгаси ёки ўз ҳаракатлари учун жавоб беришини англатмаслиги таъкидланади.
Изоҳ (0)