Наркокурьер аёл Шанхайга матоси таркибида кокаин бўлган жомадонни олиб ўтишга уринди. Бу ҳақда The South China Morning Post маълум қилди.
Жанубий Осиёда туғилиб-ўсган аёл Шанхай аэропортига Жанубий Америкадан учиб келди. У ўзи билан олиб келган жомадон дастлаб кўрикдан муаммосиз ўтди. Бироқ чегарачилар рентген қурилмаси дисплейида унинг ранги ўта тўқ эканлигига эътибор қаратди.
Аёлдан жомадонни очиш ва ичидагиларни кўрсатиш сўралди. Барча буюмлар олинганда, божхоначиларда бўш жомадон ўта оғирлиги шубҳа уйғотди. Улардан бири уни ҳатто бир қўлида ҳам кўтаролмади.
Жомадон матоси экспертизаси унда катта миқдорда кокаин борлигини кўрсатди. Жами матодан 10 килограммдан кўпроқ наркотик чиқариб олинди.
Чегарачилар ман этилган моддаларни олиб ўтишнинг бундай антиқа усули билан биринчи бор тўқнаш келганини яширмади.
Изоҳ (0)