Америкалик юқори синф ўқувчиси Каролина Уильямс пиццага бўлган муҳаббати ҳақида иншо ёзиб, Йель (Yale) университети қошидаги коллежлардан бирига ўқишга қабул қилинди. Бу ҳақда TJournal ҳикоя қилмоқда.
Қиз ўз иншосида пицца етказиб берилишидаги қувонч ҳисси ҳақида ҳикоя қилган. «Пицца буюртма қилиш менга доим ёққан, чунки ана шу саккиз бўлак менда мустақиллик ва жипслик туйғусини уйғотади», — деб ёзади Уильямс.
У иншо матни ва Йель университети қабул комиссиясининг жавобини Twitter’даги саҳифасига жойлади.
Пицсерия қизга жавоб ёзди ва ундан иншонинг тўлиқ матнини юборишни сўради.
Каролинанинг аниқлик киритишича, кириш имтиҳонлари иншо мавзусида «ҳақиқатда бажаришни хуш кўрувчи» нарса ҳақида ёзиш сўралган. Қабул комиссияси қизга жавоб берар экан, унинг матнидан «қаҳқаҳа отиб кулганлиги»ни баён қилган. Улар Уильямсни танлаган мавзуси учун олқишлаб, коллежга ўқишга таклиф қилган.
Изоҳ (0)