Индонезиянинг Ғарбий Ява вилоятида яшовчи 190 килограмм тош босадиган бола бир ой давомида 31 килограммга озди. Daily Mail уни «дунёдаги энг семиз бола» деб атамоқда.
Олдинлари Арья Пермана кунига 5 маротаба овқатланар, унинг иштаҳаси эса икки катта эркак эҳтиёжи билан тенглашгудек эди. Қийинчилик билан ҳаракатланадиган боланинг ота-онаси ҳаётидан хавфсираб, гастропластикага рухсат берди.
Пермананинг ошқозонини бир қисми олиб ташланди. Мазкур операция семиришга қарши курашга қаратилган.
Шифокорлар бола йил мобайнида яна 100 килограмм вазн ташлашига умид қилмоқда. Уни 5 соат операция қилган доктор Ханди Уингга кўра, ҳаммаси ўз ҳолича қолдирилса, Аря инсультга чалиниши ёки унда юрак касаллиги ривожланиши мумкин эди.
Изоҳ (0)