31 май куни Москванинг Люблинский туман суди миллиардер Алишер Усмоновнинг мухолифатчи Алексей Навальнийга қарши даъвосини қондирди ва сиёсатчига бош вазир Дмитрий Медведев ҳақидаги «У сизга Димон эмас» фильмни ўчириб ташлаш мажбуриятини юклади. Мухолифатчи буни қилмаслигини аллақачон эълон қилиб бўлди.
Суд жараёни тугашидан аввал биснесмен ва сиёсатчи интернет-маконда даҳанаки жанг қилди. Миллиардер дастлаб ўзини видеоблогер сифатида синаб кўриб, Навальнийга қаратилган иккита видеомурожаатни эълон қилди, кейинроқ эса ўз мурожаатлари асосида мемлар танловини уюштирди. Саҳифа маъмурлари маълум қилишича, айни пайтгача танловга 3600 дан зиёд иҳлар юборилган.
Мунозарага ижтимоий тармоқлар ва ОАВ қандай муносабат билдиргани, рақиблардан қай бири кўпроқ лайк ва репост йиға олгани ҳамда Усмонов ҳақиқатан ҳам оммабоп блогерга айланган-айланмаганлигини Forbes аниқлаштирди.
Forbes сўрови билан Elect-Assist тадқиқот компанияси бизнесмен ва сиёсатчи 18 ва 24 май кунлари ижтимоий тармоқларга жойлаган постлар қай даражада оммалашганини таҳлил қилди.
Таққослаш учун Навальнийнинг Facebook’даги ва Усмоновнинг «ВКонтакте»даги аккаунтлари олинди:
Усмоновга тегишли изоҳлар бўйича маълумотлар келтирилмаган, чунки у ўзининг «ВКонтакте»даги саҳифасида изоҳларни блоклаб қўйган. Навальнийнинг Facebook саҳифасидаги постлар неча марта кўрилганлиги келтирилмаган, чунки ушбу ижтимоий тармоқ бегона фойдаланувчиларга кўришлар сонини келтирмайди.
ER — обуначиларнинг муаллиф контентига жалб қилиниши, қўшилиши индексини билдиради, маъқуллаш даражаси эса обуначилар ушбу постга ва муаллифга қай даражада содиқлигини ифодалайди.
Экспертлар сўзларига кўра, Усмонов ва Навальний ўртасидаги зиддият ОАВларда тилга олиниши тадбиркорнинг машҳурлигига ижобий таъсир қилган. Масалан, 18 май куни ўзаро айбловлар янграган видеороликлар тарқалгач, икки ҳафта ичида Усмонов турли ОАВларда 7 минг марта тилга олинган, ундан аввалги икки ҳафта давомида эса атиги минг марта эслатиб ўтилган эди.
Шу билан бир вақтда Навальнийнинг оммабоплиги деярли ҳеч қандай ўзгаришга учрамади: кўриб чиқилаётган даврда ҳам, унгача бўлган икки ҳафта давомида ҳам унинг иштирокида 18 мингга яқин мақола чоп этилган.
Mindscan таҳлил компанияси прогноз қилишича, суд қарори туфайли зиддиятнинг иккала қаҳрамони ҳам матбуотнинг барча турларида тилга олиниши ҳоллари кескин ўсиши, шунингдек, салбий изоҳлар сони ошиши кутилмоқда.
Изоҳ (0)