31-may kuni Moskvaning Lyublinskiy tuman sudi milliarder Alisher Usmonovning muxolifatchi Aleksey Navalniyga qarshi da’vosini qondirdi va siyosatchiga bosh vazir Dmitriy Medvedev haqidagi “U sizga Dimon emas” filmni o‘chirib tashlash majburiyatini yukladi. Muxolifatchi buni qilmasligini allaqachon e’lon qilib bo‘ldi.
Sud jarayoni tugashidan avval bisnesmen va siyosatchi internet-makonda dahanaki jang qildi. Milliarder dastlab o‘zini videobloger sifatida sinab ko‘rib, Navalniyga qaratilgan ikkita videomurojaatni e’lon qildi, keyinroq esa o‘z murojaatlari asosida memlar tanlovini uyushtirdi. Sahifa ma’murlari ma’lum qilishicha, ayni paytgacha tanlovga 3600 dan ziyod ihlar yuborilgan.
Munozaraga ijtimoiy tarmoqlar va OAV qanday munosabat bildirgani, raqiblardan qay biri ko‘proq layk va repost yig‘a olgani hamda Usmonov haqiqatan ham ommabop blogerga aylangan-aylanmaganligini Forbes aniqlashtirdi.
Forbes so‘rovi bilan Elect-Assist tadqiqot kompaniyasi biznesmen va siyosatchi 18 va 24-may kunlari ijtimoiy tarmoqlarga joylagan postlar qay darajada ommalashganini tahlil qildi.
Taqqoslash uchun Navalniyning Facebook’dagi va Usmonovning “VKontakte”dagi akkauntlari olindi:
Usmonovga tegishli izohlar bo‘yicha ma’lumotlar keltirilmagan, chunki u o‘zining “VKontakte”dagi sahifasida izohlarni bloklab qo‘ygan. Navalniyning Facebook sahifasidagi postlar necha marta ko‘rilganligi keltirilmagan, chunki ushbu ijtimoiy tarmoq begona foydalanuvchilarga ko‘rishlar sonini keltirmaydi.
ER — obunachilarning muallif kontentiga jalb qilinishi, qo‘shilishi indeksini bildiradi, ma’qullash darajasi esa obunachilar ushbu postga va muallifga qay darajada sodiqligini ifodalaydi.
Ekspertlar so‘zlariga ko‘ra, Usmonov va Navalniy o‘rtasidagi ziddiyat OAVlarda tilga olinishi tadbirkorning mashhurligiga ijobiy ta’sir qilgan. Masalan, 18-may kuni o‘zaro ayblovlar yangragan videoroliklar tarqalgach, ikki hafta ichida Usmonov turli OAVlarda 7 ming marta tilga olingan, undan avvalgi ikki hafta davomida esa atigi ming marta eslatib o‘tilgan edi.
Shu bilan bir vaqtda Navalniyning ommabopligi deyarli hech qanday o‘zgarishga uchramadi: ko‘rib chiqilayotgan davrda ham, ungacha bo‘lgan ikki hafta davomida ham uning ishtirokida 18 mingga yaqin maqola chop etilgan.
Mindscan tahlil kompaniyasi prognoz qilishicha, sud qarori tufayli ziddiyatning ikkala qahramoni ham matbuotning barcha turlarida tilga olinishi hollari keskin o‘sishi, shuningdek, salbiy izohlar soni oshishi kutilmoqda.
Izoh (0)