Филиппин пойтахти Манила шаҳридаги Resorts World Manila курорт комплекси ҳудудидан попртлаш ва ўқ овозлари эшитилмоқда. Бу ҳақда CNN Philippines телеканалига таяниб, «ТАСС» хабар бермоқда.
Телеканал хабарига кўра, ҳодиса жойига хавфсизлик хизматлари ходимлари етиб келган.
Manila Times газетаси отишма оқибатида ўнлаб кишилар яраланганини маълум қилди. Филиппиндаги Қизил ярим ой жамияти вакилига кўра, шифохонага камида 25 киши олиб келинди.
AFP агентлиги ҳодиса учун жавобгарликни ИШИД ўз зиммасига олганини хабар бермоқда.
Эслатиб ўтамиз, Филиппиннинг Марави шаҳрининг бир қисмини ИШИД жангариларидан озод қилиш операцияси бир неча кундан бери давом этмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)