Жанубий Корея режалаштириш бўйича миллий маслаҳат қўмитаси президент Мун Чжэ Иннинг давлат секторида 810 минг янги иш ўрни яратиш бўйича сайловолди вазифасини бажариш учун маблағ қидиришга киришди. Бу ҳақда мамлакат молия ва давлат режалаштирилиши вазирлиги ҳисоботида маълум қилинди, дея хабар беради «ТАСС».
Ҳужжатда мазкур мақсадлар учун жами 178 триллион вон ёки 159 миллиард доллар талаб этилиши билдирилган. Бундан 100 миллиард долларни бюджет харажатлари камайтирилиши ва молиявий ислоҳот ўтказилиши ҳисобига топиш мўлжалланган.
Қолган 59 миллиард доллар солиқ тушумлари ҳисобига тўпланиши кўзда тутилмоқда. Бироқ, вазирликка кўра, солиқларни оширмай буни уддалаш қийин бўлади.
Маълумот учун, Жанубий Кореяда ишсизлар сони жорий йили 2000 йилдан бери биринчи маротаба миллион кишидан ошди ва меҳнатга лаёқатли аҳолининг 3,7 фоизини ташкил этди.
Изоҳ (0)