Аргентина ҳукумати яна бир кредиторлар гуруҳи билан 162,75 миллион доллар қарзни узиш юзасидан келишиб олди. Бу ҳақда Буэнос-Айрес ва кредиторлар ўртасидаги музокараларда воситачилик вазифасини ўтаётгани Даниэль Поллак маълум қилди, дея хабар беради «ТАСС».
«Аргентина Республикаси 30 май куни HWB Entities номи билан танилган ва Люксембург ҳамда Виргин оролларида қўним топган бир неча йирик инвестиция фондлари билан ўн йилга чўзилган тортишувни бартараф этишга муваффақ бўлди. Уларга 162,75 миллион доллар тўлаб берилади», — дейилади Поллакнинг баёнотида.
Поллакка кўра, мазкур келишувни ҳам ҳисобга олганда дефолт облигациялари кредиторлари даъвосининг 98 фоизи ҳал этилди, деб ҳисоблаш мумкин. HWB Entities билан келишув эса Буэнос-Айрес 2016 йил февралида бошқа кредиторларга таклиф этган шартларда тузилган.
Изоҳ (0)