Бугун,

  • USD 11095.31
  • RUB 173.84
  • EUR 10772.44

Тошкент шаҳридаги Халқаро ҳамкорлик марказида 1 июнь куни Ўзбекистон – Франция бизнес-форуми бўлиб ўтди. Бу ҳақда ЎзА хабар бермоқда.

Фото: UzReport

Фото: UzReport

Тадбирда икки мамлакатнинг сармоя, савдо, иқтисодиёт, банк-молия, энергетика, ахборот технологиялари, қишлоқ ва сув хўжалиги, геология, экология, атроф-муҳит муҳофазаси, транспорт ва коммуникациялар, логистика, авиасозлик, қурилиш каби соҳалар учун масъул вазирлик ва идоралари, фирма ва компаниялари раҳбарлари иштирок этди.

Ўзбекистон Республикаси Инвестициялар бўйича давлат қўмитаси раиси Азим Аҳмадхўжаев, Франция элчиси Виолен де Вильмор ва бошқалар тадбирда иштирок этди.

Бизнес-форумда франциялик ишбилармонларга мамлакатнинг инвестициявий ва иқтисодий соҳаларида амалга оширилаётган кенг кўламли ислоҳотлар, хорижий сармоядорлар учун яратилган имкониятлар ҳақида маълумот берилди. Ўзбекистон Республикаси Президенти Шавкат Мирзиёевнинг 2017 йил 31 мартдаги фармони билан Инвестициялар бўйича давлат қўмитаси ташкил қилингани иқтисодиётнинг барча тармоқларига инвестиция киритиш ҳажмини янада кенгайтиришга, сармоявий муҳитни такомиллаштиришга, хорижий давлатлар, халқаро молия институтлари, етакчи хорижий компания ва банк тузилмалари билан инвестиция соҳасидаги ҳамкорликни фаоллаштиришга хизмат қилиши қайд этилди.

Икки мамлакат ишбилармонлари бизнес-форум доирасидаги давра суҳбатларида атроф-муҳит, сув ресурслари ва муниципал хизматлар, ахборот технологиялари ва коммуникациялар, транспорт ва логистика, саноат, энергетика ҳамда қишлоқ хўжалиги каби соҳаларга оид ҳамкорликни янада ривожлантириш, мавжуд имкониятлардан кенгроқ фойдаланиш масалаларини атрофлича муҳокама қилди. Ўзаро манфаатли янги лойиҳаларни амалга ошириш юзасидан келишиб олинди.

Изоҳ
Асосий янгиликлар
Маҳаллий
Ўзбекистонда Уруғчилик ҳамда пистачилик илмий марказлари ташкил этилади
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Шоу-бизнес
Йиллар давомида таниб бўлмас даражада ўзгарган Голливуд актёрлари (фото)