АҚШ президенти Дональд Трампнинг Twitter’даги 31 миллион обуначисидан деярли ярми ботдан («робот»нинг қисқартмаси) иборат. Бу ҳақда ижтимоий тармоқдаги профилнинг аниқ обуначилари сонини ҳисоблайдиган Twitter Audit Report сайти ҳисоботига таяниб, New York Daily News маълум қилди, дея хабар беради «РИА Новости».
Келтирилган маълумотларга кўра, обуначиларнинг атиги 51 фоизи (15,9 миллион) инсон, қолган 15,1 миллиони эса тегишли маълумотлар ва фотоларга эга бўлмаган, сунъий яратилган саҳифалардир.
Шу билан бирга, газета ўтган дам олиш кунлари Трампнинг обуначилари сони кескин кўпайганини тан олди: бор-йўғи икки кун ичида уларнинг сони 3 миллионга ортди.
Маълумот учун, АҚШ собиқ президенти Барак Обаманинг 89 миллион обуначиси бўлиб, улардан 79 фоизи аниқ мавжуд одамлардир.
Изоҳ (0)