Туркияга учиб кетиш арафасида Лондоннинг Стансед аэропортида қўлга олинган эркак ИШИД гуруҳига қўшилиш ва «Тоттенхем» клуби ишқибозларига ҳужум уюштиришни режалаштирган. Бу ҳақда «ТАСС» хабар бермоқда.
The Times нашрига кўра, 37 ёшли Авейс Факей Сомалида туғилган, Нидерландия фуқароси ҳисобланади. Шу билан бирга, 2013 йилдан бери Буюк Британияда яшаб келади.
У кениялик терроризмда гумонланувчи билан интернет орқали ёзишма ҳам олиб боргани билдирилмоқда.
Факейга терактга тайёргарлик кўришда айблов эълон қилинди. У яқин орада Вестминстер суди қаршисида жавоб беради.
Изоҳ (0)