Turkiyaga uchib ketish arafasida Londonning Stansed aeroportida qo‘lga olingan erkak IShID guruhiga qo‘shilish va “Tottenxem” klubi ishqibozlariga hujum uyushtirishni rejalashtirgan. Bu haqda “TASS” xabar bermoqda.
The Times nashriga ko‘ra, 37 yoshli Aveys Fakey Somalida tug‘ilgan, Niderlandiya fuqarosi hisoblanadi. Shu bilan birga, 2013-yildan beri Buyuk Britaniyada yashab keladi.
U keniyalik terrorizmda gumonlanuvchi bilan internet orqali yozishma ham olib borgani bildirilmoqda.
Fakeyga teraktga tayyorgarlik ko‘rishda ayblov e’lon qilindi. U yaqin orada Vestminster sudi qarshisida javob beradi.
Izoh (0)