Корея Республикаси Ўзбекистон қишлоқ хўжалигини қўллаб-қувватлашга 3,5 млн долларлик грант ажратади

Корея Республикаси ҳукумати «Паст ҳароратли сақлаш камераларини жорий этиш йўли билан Ўзбекистон қишлоқ хўжалигини қўллаб-қувватлаш» лойиҳасини молиялаштириш учун Ўзбекистон ҳукуматига 3,5 миллион доллар миқдоридаги грантни тақдим этишни тасдиқлади. 22 май куни Ўзбекистон Президентининг мазкур лойиҳани амалга оширишга бағишланган қарори имзоланди, деб ёзади «Газета.uz».

Қишлоқ ва сув хўжалиги вазирлигининг Тошкент вилояти Юқори Чирчиқ туманидаги «Агроинновация» корхонаси ҳудудида янги мева-сабзавот маҳсулотларини сақлаш учун умумий ҳажми 1000 тонна бўлган совутиш камераларини қуриш ва улардан фойдаланиш йўлга қўйилади.

Худди шундай хизматлар Тошкент вилояти тадбиркорлик субъектлари, деҳқон ва фермер хўжаликларига кўрсатилади.