Ўзбекистон Президенти Шавкат Мирзиёев 25 май куни «‘Ўзтадбиркорэкспорт’ АЖ фаолияти самарадорлигини ошириш бўйича қўшимча чора-тадбирлар тўғрисида»ги қарорни имзолади. Ҳужжатга мувофиқ, АЖ «Ўзтрейд» ихтисослаштирилган ташқи савдо компаниясига айлантирилди, деб хабар бермоқда UzDaily.
«Ўзтадбиркорэкспорт» АЖ 2015 йил декабрида тузилган эди. Компания кичик ва хусусий бизнес субъектларига, деҳқон ва фермер хўжаликларига маҳсулотларини экспорт қилишда кўмаклашади.
Компания ребрендинги ҳақидаги қарор уни чет элда кенг тарғиб қилиш, ташқи бозорларда ишончли ва барқарор компания имижини яратиш мақсадида ўтказилди.
Шунингдек, Ўзбекистон раҳбари «Ўзтрейд» ваколатларини кенгайтирди. Энди компания ташқи бозорларда талаб ва таклифни ўрганиб, шу асосда буюртмалар ва таклифлар ишлаб чиқади.
Шунингдек, «Узтрейд» компаниянинг чет элдаги савдо уйлари орқали консигнация шартлари асосида буғдой ва унни экспорт қилиш ҳуқуқига эга бўлди. Компания маҳсулотни консигнация шартлари асосида етказиб бериши мумкин, бунда республика ташкилотларининг умумий улуши 51 фоиздан кам бўлмаслиги лозим.
Изоҳ (0)