2017 йилнинг 29 май куни Ўзбекистон Республикаси Президенти Шавкат Мирзиёев Ал-Миня вилоятида содир этилган террорчилик ҳаракати оқибатида кўплаб бегуноҳ инсонларнинг қурбон бўлгани ва жароҳат олгани муносабати билан Миср Араб Республикаси президенти Абдулфаттоҳ Ас-Сисийга ҳамдардлик мактуби йўллади. Бу ҳақда Ўзбекистон Ташқи ишлар вазирлиги матбуот хизмати хабар бермоқда.
Шавкат Мирзиёев Миср президентига, биродар Миср халқига, ҳалок бўлганларнинг оила аъзолари ва яқинларига чуқур таъзия ва ҳамдардлик билдирди ҳамда жароҳат олганларга тез фурсатларда соғайиб кетишларини тилади.
Эслатиб ўтамиз, 26 май куни Мисрнинг Ал-Миня вилоятида насроний-коптларни олиб кетаётган икки автобусга қуролли ҳужум уюштирилди. Расмий маълумотларга кўра, ҳодиса оқибатида 28 киши ҳалок бўлди.
Изоҳ (0)