БААнинг Шаржа шаҳрида 15 кун давомида 80 фоизгача бўлган чегирмалар фестивали ўтказилади

Бирлашган Араб Амирлигининг Шаржа шаҳрида муқаддас Рамазон ойи муносабати билан чегирмалар фестивали бўлиб ўтади, деб хабар берди UAE Inside.

Фестиваль 15 июндан 30 июнга қадар Шаржа шаҳридаги Экспо-марказда бўлиб ўтади. Ушбу фестиваль Дубай шаҳарида уч кун давом этган ва катта шов-шувга сабаб бўлган чегирмалар фестивалини ўтказиб юборганлар учун ажойиб имконият.

Ramadan Nights номи билан бўлиб ўтадиган фестиваль фақатгина «чегирмалар»дан иборат бўлиб қолмай, балки унда оилавий иштирок этиш мумкин бўлган турли маданий тадбирлар ҳам ўтказилади.

Ушбу фестиваль ҳар йили бўлиб ўтади ва амирликдаги энг машҳур ва кўп одам ташриф буюрадиган тадбирга айланиб улгурган.