Тошкент шаҳридаги буюк туркман шоири ва мутафаккири Махтумқули номидаги кўчада Ашхобод боғи ташкил этилади. Бу ҳақда амалий ташриф билан Туркманистонда бўлиб турган Ўзбекистон Президенти Шавкат Мирзиёев оммавий ахборот воситалари билан учрашувда маълум қилди.
«Туркманистон Конституцияси қабул қилинган кун ҳамда буюк шоир Махтумқули таваллуди куни муносабати билан туркман халқини табриклайман. Шоир таваллуди Ўзбекистонда ҳам кенг нишонланди, унинг номидаги кўча ва ёдгорлик очилди. Биз шу кўчада Ашхобод боғини ташкил қиламиз, бу икки давлат ўртасидаги ўзаро муносабатларнинг рамзи бўлиб қолади», — деб Шавкат Мирзиёевнинг сўзларидан келтиради ЎзА.
Эслатиб ўтамиз, 18 май куни Махтумқули кўчасида туркман шоирига бағишланган меъморий ёдгорликнинг очилиш маросими бўлиб ўтганди.
Изоҳ (0)