«Реал» мағлуб бўлганига қарамай, Чемпионлар лигасининг финалига йўл олди
Европа Чемпионлар лигасининг финалида Мадриднинг «Реал» ва Туриннинг «Ювентус» клублари тўп суради.
Ярим финалнинг биринчи жуфтлигида «Ювентус» ҳар икки ўйинда ҳам «Монако»дан устун келганди. Мадрид дербиси шаклида ўтган иккинчи жуфтлик эса «Реал»нинг устунлиги билан якунланди.
«Сантьяго Бернабеу»да кечган биринчи ўйинда Криштиану Роналдунинг хет-триги «Реал»нинг йирик ғалабасини таъминлаганди. Жавоб ўйинида ҳам 3 та гол урилди. Шулардан иккитаси «Атлетико»га тегишли бўлди.
Мезбонлар 16-дақиқага келибоқ икки гол фарқи билан олдинга чиқиб олганди. Иско томонидан урилган жавоб голигина «Қироллик клуби»нинг ишини енгиллаштирди.
Маълумот учун, Чемпионлар лигасида кетма-кет икки бор ғолиб чиқиш ҳозирча ҳеч бир клубга насиб қилмаганди. «Реал» бу борада биринчи бўлиб олиши мумкин.
Европа Чемпионлар лигаси Ярим финал 10 май, чоршанба
