Apple’нинг АҚШдаги бозор капитализацияси биринчи бор 800 миллиард доллардан ошди

Apple’нинг АҚШдаги капитализацияси биринчи бор 800 миллиард доллардан ошиб, компания ҳар бир акциясининг қиймати донасига 153,44 долларга кўтарилди, деб хабар берди «Ведомости».

«ТАСС»нинг ёзишича, Apple’нинг сўнгги чоракда маҳсулотлари сотилиш ҳажми камайганига қарамай, компания барча янги молиявий чўққиларни забт этмоқда. Экспертларнинг баҳолашича, 2017 йилнинг ўзидаёқ компаниянинг бозор капитализацияси 1 триллион долларга етиши мумкин.

«Компания раҳбари Тим Кук пасайишни истеъмолчилар навбатдаги янги маҳсулотнинг чиқишини кутаётгани билан тушунтирди. Уолл-стрит ҳам бунга рози кўринади», — дея таъкидлади MSNBC телеканали.