АҚШ Давлат департаменти америкаликларни Европада ёзги мавсумдаги терактлар хавфи ҳақида огоҳлантирди

АҚШ Давлат департаменти америкаликларни Европада ёзги мавсумдаги терактлар хавфи ҳақида огоҳлантирди. Бу ҳақда «Коммерсантъ» хабар бермоқда.

«Давлат департаменти АҚШ фуқароларини бутун Европа бўйлаб террорчилик ҳужумлари хавфи сақланиб қолаётгани ҳақида огоҳлантиради. Бу огоҳлантирув 2017 йил 1 сентябргача амалда бўлади», — дейилади департамент сайтидаги хабарда.

Департамент америкаликларни жамоат ва сайёҳлик жойлари, савдо марказлари, меҳмонхоналар, клублар, боғлар, аэропортлар, ресторанлар ва ибодатхоналарда айниқса ҳушёр бўлишга чақирди. Мазкур объэктлар эҳтимолий ҳужумлар учун биринчи галдаги нишонлар эканлиги билдирилди.

«Франция, Россия, Швеция, Буюк Британиядаги ҳодисалар ИШИД, ‘Ал-Қоида’ ва улар билан боғлиқ гуруҳлар Европада терактлар режалаштириш ҳамда амалга ошириш имкониятига эга эканлигини намойиш этди», — дея огоҳлантирди департамент.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.

«Дарё»нинг Telegram’даги расмий канали — @toshqindaryo’га аъзо бўлинг!